എഐ ആധിപത്യമുള്ള ലോകത്തിന്റെ ഭാവി

 Cyrus Nowrasteh സംവിധാനം ചെയ്ത 2009 ല്‍ ഇറങ്ങിയ പേർഷ്യൻ സിനിമയാണ് The Stoning of Soraya M.  "La Femme Lapidée" എന്ന വിവാദമായ ഫ്രഞ്ച് പുസ്തകത്തെ ആസ്പദമാക്കിയാണ് "ഈ സിനിമ എടുത്തിട്ടുള്ളത്.

1986 ല്‍  ഇറാനിലെ Kuhpayeh എന്ന ഗ്രാമത്തില്‍ നാലു മക്കളുടെ മാതാവും മുപ്പത്തഞ്ചുകാരിയും ആയ Soraya Manutchehri എന്നൊരു യുവതി ജീവിച്ചിരുന്നു. ഒരിക്കൽ ഇവരുടെ ഭര്‍ത്താവായ Ghorban Ali ക്ക് പതിനാല് വയസ്സുള്ള ഒരു പെണ്‍കുട്ടിയെ കല്യാണം കഴിക്കാന്‍ മോഹം തോന്നി. പക്ഷെ ഈ ആവശ്യം അംഗീകരിക്കാനും വിവാഹമോചനത്തിന് സമ്മതിക്കാനും Soraya തയ്യാറായില്ല. ഇതിൽ പ്രകോപിതനായ അലി മറ്റു മൂന്നു പേരുടെ സഹായത്തോടെ Soraya യുടെ മേൽ ഒരു വ്യാജ വ്യഭിചാരക്കുറ്റം ആരോപിച്ചു. ഒടുവിൽ അവിടുത്തെ പ്രാദേശിക നിയമ സംവിധാനം അവൾ കുറ്റക്കാരിയാണ് എന്നു കണ്ടെത്തി. അന്നാട്ടിലെ ആചാരം അനുസരിച്ച് അവളെ വ്യഭിചാരക്കുറ്റത്തിന് വധശിക്ഷയ്ക്ക് വിധിച്ചു - അതും കല്ലെറിഞ്ഞു കൊല്ലുക എന്ന ശിക്ഷ! 

ഒടുവിൽ വിധി നടപ്പാക്കേണ്ട ദിവസം വന്നെത്തി. അധികാരികൾ Soraya യെ ഒരു കുഴിയില്‍ ഇറക്കി നിര്‍ത്തി കൈകാലുകള്‍ ബന്ധിച്ച ശേഷം അര വരെ മണ്ണിട്ട്‌ മൂടി. ആദ്യത്തെ കല്ലെറിയാനായി അവളുടെ പിതാവിനെ തന്നെയാണ് കൊണ്ടുവന്നത്. പക്ഷെ എന്തുകൊണ്ടോ ആ കല്ല്‌ ലക്ഷ്യത്തില്‍ എത്തിയില്ല. പിന്നീട് അവളുടെ രണ്ടു ആണ്മക്കളെ കൊണ്ടും ആൾക്കൂട്ടം നിർബന്ധിച്ചു കല്ലെറിയിപ്പിച്ചു. തുടർന്ന് അവളുടെ ഭർത്താവും അവിടെ തടിച്ചുകൂടിയ മറ്റു ജനങ്ങളും കല്ലെറിയാൻ ആരംഭിച്ചു. 

 ഇടയ്ക്ക് Soraya യുടെ ബോധം നഷ്ടമായപ്പോൾ ഭര്‍ത്താവ് അവള്‍ക്ക് ജീവനുണ്ട് എന്നു ഉറപ്പുവരുത്തി. ശേഷവും ആള്‍ക്കൂട്ടം കല്ലെറിയല്‍ തുടര്‍ന്നു. ഒടുവില്‍ വിവരിക്കാനാവാത്ത വിധത്തിൽ വേദന സഹിച്ച ശേഷം Soraya മരണത്തിനു കീഴടങ്ങി.

വർഷങ്ങൾക്കുശേഷം Freidoune Sahebjam എന്ന ഫ്രഞ്ച് journalist ആ ഗ്രാമത്തിലൂടെ കടന്നുപോവുമ്പോള്‍ മരണപ്പെട്ട Soraya യുടെ ബന്ധു ആയിരുന്ന Zahra എന്ന സ്ത്രീ ഈ സംഭവം അദ്ദേഹത്തോട് പങ്കുവച്ചു. പിന്നീട് അദ്ദേഹം അതൊരു പുസ്തകമാക്കി പ്രസിദ്ധീകരിച്ചു. അങ്ങനെയാണ് ഈ സിനിമ ഉണ്ടായത്.

ഈ സംഭവം സിനിമയിലൂടെ ലോകം മുഴുവൻ അറിഞ്ഞത്  ഇറാൻ ഭരണകൂടത്തിനു വലിയ തിരിച്ചടി ആവുകയും പ്രസ്തുത പുസ്തകവും സിനിമയും നിരോധിക്കപ്പെടുകയും ചെയ്തു. സമാനമായ പുസ്തകങ്ങള്‍ എഴുതിയവര്‍ മുഴുവൻ ജയിലില്‍ അടയ്ക്കപ്പെട്ടു. പാശ്ചാത്യ രാജ്യക്കാര്‍ തങ്ങളെ അപമാനിക്കാന്‍ വേണ്ടി കെട്ടിച്ചമച്ച കഥ ആണ് ഇത് എന്നാണ് ഇറാന്‍ ഭരണകൂടം പറയുന്നത്. എന്തായാലും പിന്നീട സ്ത്രീകള്‍ നേരിടുന്ന മതപരമായ അതിക്രമങ്ങളെ പറ്റി ലോകത്ത് ഒരു വലിയ ചര്‍ച്ച സൃഷ്ടിക്കാനും ഇത്തരം നീചമായ ആചാരങ്ങള്‍ക്ക് എതിരെ വ്യാപകമായ പ്രതിഷേധങ്ങൾ ഉണ്ടാവാനും ഈ സിനിമ വഴിയൊരുക്കി.

NB: സിനിമ യൂടുബില്‍ ലഭ്യമാണ്. ലോലഹൃദയം ഉള്ളവര്‍ ഇത് കാണുന്നത് ഒഴിവാക്കുക.